ബന്ധുവിനെ രക്ഷിക്കാന്‍ വളപട്ടണം പുഴയില്‍ ചാടിയ യുവാവിന്റെ മൃതദേഹം കണ്ടെത്തി

 തൃക്കരിപ്പൂർ :വളപട്ടണത്ത് ബന്ധുവിനെ രക്ഷിക്കാൻ പുഴയിലേക്ക് ചാടിയ മാധ്യമ പ്രവർത്തകനായ യുവാവിന്റെ മൃതദേഹം കണ്ടെത്തി. പാടിയോട്ടുചാൽ പൊന്നംവയൽ ...

 തൃക്കരിപ്പൂർ :വളപട്ടണത്ത് ബന്ധുവിനെ രക്ഷിക്കാൻ പുഴയിലേക്ക് ചാടിയ മാധ്യമ പ്രവർത്തകനായ യുവാവിന്റെ മൃതദേഹം കണ്ടെത്തി. പാടിയോട്ടുചാൽ പൊന്നംവയൽ സ്വദേശി കെവി വിജിത്തിന്റെ(33) മൃതദേഹമാണ് കണ്ടെത്തിയത്. ബുധനാഴ്​ച ഉച്ചയ്ക്ക് ഒരുമണിയോടെയാണ് സംഭവം. കാറിൽ യാത്ര ചെയ്യവേ വളപട്ടണം പാലത്തിൽനിന്ന്​ കാസർകോട് കയ്യൂർ പാലോത്ത് പ്രമോദി‍ൻെറ മകൻ പ്രബിൻ (25) പുഴയിലേക്ക്​ ചാടിയതിനു പിറകെ രക്ഷിക്കാനായാണ് പ്രാദേശിക മാധ്യമ പ്രവര്‍ത്തകൻ കൂടിയായ  വിജിത്ത് പുഴയിലേക്ക് ചാടിയത്. പ്രബിനെ അഴീക്കൽ കോസ്​റ്റൽ പൊലീസ് രക്ഷപ്പെടുത്തി. എന്നാൽ, നല്ല അടിയൊഴുക്കുള്ള പ്രദേശമായതിനാൽ വിജിത്തിനെ കണ്ടെത്താൻ കഴിഞ്ഞിരുന്നില്ല.

വളപട്ടണം പുഴയില്‍ നിന്നും വ്യാഴാഴ്ച വൈകീട്ടോടെയാണ് മൃതദേഹം കിട്ടിയത്.

 കെ.ആർ.എം.യു കണ്ണൂർ അംഗമാണ് വിജിത്ത്.