ദില്ലി: പൗരത്വ നിയമ ഭേദഗതിയില് കേന്ദ്രസര്ക്കാരിനെതിരെ വീണ്ടും രൂക്ഷ വിമര്ശനവുമായി നടന് സിദ്ധാര്ത്ഥ്. ഫാസിസത്തെ അകറ്റി നിര്ത്തണമെന്നും ...
'ആദ്യം അവര് മുസ്ലീങ്ങളെ ഒഴിവാക്കും, തുടര്ന്ന് ക്രിസ്ത്യാനികളെ, അത് കഴിഞ്ഞ് മറ്റ് മതങ്ങളെ, ശേഷം അവര് അടിച്ചമര്ത്തപ്പെട്ട ജാതി വിഭാഗങ്ങള്ക്ക് നേരെ തിരിയും, പിന്നാലെ സ്ത്രീകളുടെ അവകാശങ്ങള്ക്ക് പിറകേ പോവും. വിഭജിക്കാന് അവര് എപ്പോഴും മാര്ഗം കണ്ടെത്തു. വിദ്വേഷം പരത്താനും അവര് അവരുടേതായ വഴികള് കണ്ടെത്തും. ഫാസിസത്തോട് നോ പറയാം, ഇന്ത്യയെ രക്ഷിക്കാം, സിദ്ധാര്ത്ഥ് ട്വീറ്റ് ചെയ്തു.
സമ്ബദ്വ്യവസ്ഥയെക്കുറിച്ച് എത്രപേര് സംസാരിക്കുന്നുവെന്ന് നോക്കൂ. ശ്രദ്ധ തിരിക്കല്, വഞ്ചന, നിഷേധിക്കല് ഇവയാണ് ഫാസിസ്റ്റുകളുടെ ആയുധങ്ങള്. സൂക്ഷിക്കുക. ഫാസിസത്തിനെതിരെ നിലകൊള്ളുക. ശരിക്ക് വേണ്ടി പോരാടുക, മറ്റൊരു ട്വീറ്റില് സിദ്ധാരത്ഥ് കുറിച്ചു.
നിയമത്തിനെതിരെ നേരത്തേയും സിദ്ധാര്ത്ഥ് രംഗത്തിയിരുന്നു. മോദിയും അമിത് ഷായും കൃഷ്ണനും അര്ജുനനുമല്ല, ദുര്യോധനനും ശകുനിയുമാണെന്നായിരുന്നു സിദ്ധാര്ത്ഥ് ട്വീറ്റ് ചെയ്തത്. കശ്മീരിന്റെ പ്രത്യേക പദവി റദ്ദാക്കിയ സമയത്ത് രജനികാന്ത് പ്രധാനമന്ത്രിയെയും ആഭ്യന്തര മന്ത്രിയേയും കൃഷ്ണനും അര്ജുനനും എന്ന് വിശേഷിപ്പിച്ചിരുന്നു. ഇതിന്റെ പശ്ചാത്തലത്തിലായിരുന്നു വിമര്ശനം. നേരത്തേ അമിത് ഷായെ ഹോം മോണ്സ്റ്റര് എന്നും സിദ്ധാര്ത്ഥ് വിളിച്ചിരുന്നു.
COMMENTS