ബാങ്ക് മാനേജര്‍ അലാമിപ്പള്ളിയിലെ ബാലകൃഷ്ണനെ കാണാതായിട്ട് ഒരാഴ്ച, എങ്ങും കണ്ടെത്താനായില്ല

 കാഞ്ഞങ്ങാട്: റിട്ട. ബാങ്ക് മാനേജര്‍ അലാമിപ്പള്ളിയിലെ ബാലകൃഷ്ണനെ (64) ഒരാഴ്ച പിന്നിട്ടിട്ടും കണ്ടെത്താനായില്ല. ഈ മാസം ഒന്നിന് രാവിലെയാണ് അലാ...

 കാഞ്ഞങ്ങാട്: റിട്ട. ബാങ്ക് മാനേജര്‍ അലാമിപ്പള്ളിയിലെ ബാലകൃഷ്ണനെ (64) ഒരാഴ്ച പിന്നിട്ടിട്ടും കണ്ടെത്താനായില്ല. ഈ മാസം ഒന്നിന് രാവിലെയാണ് അലാമിപ്പള്ളി ബസ് സ്റ്റാന്‍ഡിനു സമീപത്തെ വീട്ടില്‍ നിന്ന് ഇദ്ദേഹം അപ്രത്യക്ഷനായത്. വീട്ടുകാരുടെ പരാതിയില്‍ ഹൊസ്ദുര്‍ഗ് പൊലീസ് കേസ് രജിസ്റ്റര്‍ ചെയ്യുകയും ബാലകൃഷ്ണന്‍ പോകാനിടയുള്ള സ്ഥലങ്ങളിലൊക്കെ എത്തുകയും ചെയ്തു. എന്നിട്ടും ഫലമുണ്ടായില്ല. അപ്രത്യക്ഷനായ ദിവസം വൈകീട്ട് സമൂഹ മാദ്ധ്യമങ്ങളില്‍ ബാലകൃഷ്ണന്‍ ഇവിടെയുണ്ടെന്ന് സന്ദേശം പ്രചരിച്ചിരുന്നു. പിന്നാലെ അപ്രത്യക്ഷമായി. അന്നതില്‍ അസ്വാഭാവികതയൊന്നും തോന്നിയില്ലെങ്കിലും ഒരാഴ്ചയായിട്ടും ബാലകൃഷ്ണനെ കണ്ടെത്താനാകാതെ വന്നതോടെ ബന്ധുക്കള്‍ ആശങ്കയിലാണ്.

ഹൊസ്ദുര്‍ഗ് ബാങ്കിലെ റിട്ട. മാനേജറാണ് ബാലകൃഷ്ണന്‍. കര്‍ണ്ണാടകയിലേക്ക് കടന്നിരിക്കാമെന്ന സംശയത്തില്‍ അവിടേക്കും വിവരം കൈമാറിയതായി ഹൊസ്ദുര്‍ഗ് എസ്.ഐ കെ.വി. വിനോദ്കുമാര്‍ പറഞ്ഞു.