കണ്ണൂര്: ഇന്നലെ കൊല്ലപ്പെട്ട എസ്ഡിപഐ പ്രവര്ത്തകന് സലാഹുദ്ദീന് കൊവിഡ് പരിശോധന ഫലം പോസിറ്റീവ്. തലശ്ശേരി ജനറല് ആശുപത്രിയിലാണ് സ്രവ പരിശോധന...
കണ്ണൂര്: ഇന്നലെ കൊല്ലപ്പെട്ട എസ്ഡിപഐ പ്രവര്ത്തകന് സലാഹുദ്ദീന് കൊവിഡ് പരിശോധന ഫലം പോസിറ്റീവ്. തലശ്ശേരി ജനറല് ആശുപത്രിയിലാണ് സ്രവ പരിശോധന നടത്തിയത്. വെട്ടേറ്റ ശേഷം ആശുപത്രിയിലേക്ക് കൊണ്ടുപോയ നാട്ടുകാര്, ആംബുലന്സ് ഡ്രൈവര്, പൊലീസുകാര്, ഉള്പ്പടെ നിരീക്ഷണത്തില് പോകാന് ആരോഗ്യവകുപ്പ് നിര്ദ്ദേശം നല്കി.
2018 ജനുവരിയില് എബിവിപി പ്രവര്ത്തകന് ശ്യാമപ്രസാദിനെ കൊലപ്പെടുത്തിയ കേസിലെ ഏഴാം പ്രതിയാണ് കൊല്ലപ്പെട്ട സലാഹുദ്ദീന്. പ്രതികാരക്കൊലയാകാനാണ് സാധ്യതയെന്നും പ്രതികളെക്കുറിച്ച് സൂചന കിട്ടിയതായും പൊലീസ് അറിയിച്ചിട്ടുണ്ട്. വൈകിട്ടോടെ, കാറില് പോകുന്നതിനിടെ ബൈക്കിലെത്തിയ സംഘം സലാഹുദ്ദീനെ തടഞ്ഞുനിര്ത്തി വെട്ടികൊലപ്പെടുത്തുകയായിരുന്നു എന്നാണ് കേസ്.
തലയ്ക്കും കഴുത്തിനുമാണ് മാരകമായി വെട്ടേറ്റത്. ആശുപത്രിയിലേക്കുള്ള വഴിയില് വച്ചുതന്നെ സലാഹുദ്ദീന് മരിച്ചു. മൃതദേഹം തലശ്ശേരി ജനറല് ആശുപത്രിയിലേക്ക് മാറ്റി.
COMMENTS