പടന്ന കടപ്പുറം-തെക്കേക്കാട് പാലം പരിഗണിക്കുമെന്ന് എം.എൽ.എ.

 പടന്ന : പാതിവഴിയിൽ ഉപേക്ഷിച്ച പടന്ന കടപ്പുറം-തെക്കേക്കാട് തൂക്കുപാലത്തിനു പകരം പാലം നിർമിക്കുന്നതിനുളള പദ്ധതി ആരംഭിക്കുമെന്ന് എം. രാജഗോപാലൻ...

 പടന്ന : പാതിവഴിയിൽ ഉപേക്ഷിച്ച പടന്ന കടപ്പുറം-തെക്കേക്കാട് തൂക്കുപാലത്തിനു പകരം പാലം നിർമിക്കുന്നതിനുളള പദ്ധതി ആരംഭിക്കുമെന്ന് എം. രാജഗോപാലൻ എം.എൽ.എ. അറിയിച്ചു. നാട്ടുകാരുടെയും രാഷ്ട്രീയപാർട്ടികളുടെയും നേതൃത്വത്തിൽ നൽകിയ നിവേദനങ്ങളുടെ അടിസ്ഥാനത്തിൽ പദ്ധതി സർക്കാരിന്റെ സജീവ പരിഗണനയിൽ ഉണ്ട്. കിഫ്ബി പദ്ധതിയിൽ ഉൾപ്പെടുത്തി യാത്രാപ്രശ്‌നം പരിഹരിക്കുന്നതിനുള്ള നടപടി സ്വീകരിക്കുമെന്നും അദ്ദേഹം ഉറപ്പുനൽകി. തൂക്കുപാലം ഉപേക്ഷിച്ച സ്ഥലത്ത് റോഡ് പാലം വേണമെന്നാണ് നാട്ടുകാരുടെ ആവശ്യം. വലിയപറമ്പ്‌ പഞ്ചായത്തിലേക്ക് നിലവിൽ രണ്ട്‌ പാലങ്ങൾ ഉള്ളതിനാൽ ചെറുവാഹനങ്ങളെങ്കിലും പോകാൻതക്ക വീതിയിലുള്ള നടപ്പാലമെങ്കിലും അനുവദിക്കുമെന്ന പ്രതീക്ഷയിലാണ് നാട്ടുകാർ. എ.എൽ.എ.യോടൊപ്പം പടന്ന കടപ്പുറം വികസന സമിതി ചെയർമാൻ സി. നാരായണൻ, വി.എം. ബാലൻ, പി. ശ്യാമള, പഞ്ചായത്ത് അംഗം കെ.കെ. മുഹമ്മദ് കുഞ്ഞി, കെ. ദാമോദരൻ, കെ. അനിൽ കുമാർ എന്നിവരും സ്ഥലം സന്ദർശിച്ചു.