തിരുവനന്തപുരം: എട്ടുവര്ഷം മുമ്ബ് മരിച്ച അമ്മൂമ്മയുടെ പെന്ഷന് കൈപ്പറ്റിക്കൊണ്ടിരുന്ന കൊച്ചുമകന് അറസ്റ്റില്. നെയ്യാറ്റിന്കര അതിയന്നൂര്...
തിരുവനന്തപുരം: എട്ടുവര്ഷം മുമ്ബ് മരിച്ച അമ്മൂമ്മയുടെ പെന്ഷന് കൈപ്പറ്റിക്കൊണ്ടിരുന്ന കൊച്ചുമകന് അറസ്റ്റില്. നെയ്യാറ്റിന്കര അതിയന്നൂര് അരംഗമുകള് ബാബു സദനത്തില് പ്രജിത്ലാല് ബാബു(35) ആണ് അറസ്റ്റിലായത്. അമ്മൂമ്മയും കെ എസ് ഇ ബിയില്നിന്ന് വിരമിച്ച ജീവനക്കാരിയുമായ അരംഗമുകള് സ്വദേശിനി പൊന്നമ്മയുടെ പെന്ഷനാണ് ഇയാള് കൈപ്പറ്റിക്കൊണ്ടിരുന്നത്. അധികൃതരെ കബളിപ്പിച്ചാണ് ഇയാള് പെന്ഷന് കൈപ്പറ്റികൊണ്ടിരുന്നതെന്ന് പൊലീസ് പറയുന്നു.
- പൊന്നമ്മ മരിച്ച വിവരം കെ എസ് ഇ ബി അധികൃതരെ അറിയിക്കാതെ ബാങ്ക് അക്കൗണ്ടില്നിന്ന് ഇയാള് എട്ടുവര്ഷമായി പണം പിന്വലിച്ചുകൊണ്ടിരിക്കുകയായിരുന്നു. ഇതിനിടെ നെയ്യാറ്റിന്കര ഡിവിഷന് ഓഫീസില് കെ എസ് ഇ ബി ആഭ്യന്തര പരിശോധനയിലാണ് തട്ടിപ്പ് പുറത്തായത്.
ഇക്കാലയളവിലൊന്നും പൊന്നമ്മയുടെ ലൈഫ് സര്ട്ടിഫിക്കറ്റ് ഹാജരാക്കാതെയാണ് പെന്ഷന് വാങ്ങിയിരുന്നതെന്ന് തെളിഞ്ഞു. തുടര്ന്ന് കെ എസ് ഇ ബി അധികൃതര് നടത്തിയ അന്വേഷണത്തിലാണ് പൊന്നമ്മ മരിച്ചുപോയതായി കണ്ടെത്തിയത്.
-
കെ എസ് ഇ ബി അധികൃതര് നടത്തിയ തുടര് അന്വേഷണത്തില് ഇവരുടെ കൊച്ചുമകനാണ് ഇപ്പോഴും പെന്ഷന് വാങ്ങുന്നതെന്ന് കണ്ടെത്തി. തുടര്ന്ന് അധികൃതര് പൊലീസില് പരാതി നല്കി. നെയ്യാറ്റിന്കര പൊലീസ് ഇയാള്ക്കെതിരേ കേസ് എടുക്കുകയും ചെയ്തു. മരിച്ചുപോയയാള് പെന്ഷന് കൈപ്പറ്റിയ സംഭവത്തെക്കുറിച്ച് കെ എസ് ഇ ബി വിജിലന്സ് അന്വേഷണം നടത്തുന്നുണ്ട്. പൊലീസ് കേസ് എടുത്തെങ്കിലും പ്രതിയെ പിടികൂടിയില്ലായിരുന്നു.
തുടര്ന്ന് പ്രതി മുന്കൂര് ജാമ്യത്തിനായി ഹൈക്കോടതിയെ സമീപിച്ചിരുന്നു. കോടതി പ്രതിയോട് പൊലീസില് കീഴടങ്ങാന് ആവശ്യപ്പെട്ടു. ഇതിന്റെ അടിസ്ഥാനത്തില് പ്രതി പ്രജിത്ലാല് ബാബുവിന്റെ അറസ്റ്റ് നെയ്യാറ്റിന്കര പൊലീസ് രേഖപ്പെടുത്തി. ഇയാളെ കോടതി റിമാന്ഡ് ചെയ്തു.
മറ്റൊരു സംഭവം-
കണ്ണൂരില് സംഘത്തിലെ പ്രധാന കണ്ണി പിടിയിലായി. ഉത്തര്പ്രദേശ് മിര്സാപൂര് സ്വദേശി പ്രവീണ് കുമാര് (30) ആണ് പിടിയിലായത്. 2019 ജൂണിലാണ് കേസിനാസ്പദമായ സംഭവമുണ്ടായത്. കണ്ണൂരിലെ കൃഷ്ണമേനോന് വനിതാ കോളജിലെ അധ്യാപികയാണ് തട്ടിപ്പിനിരയായത്. അധ്യാപികയുടെ അക്കൗണ്ടില്നിന്ന് രണ്ടു ഘട്ടങ്ങളിലായി 9 ലക്ഷം രൂപയാണ് പ്രവീണ് കുമാറും സംഘവും തട്ടിയെടുത്തത്.
സ്റ്റേറ്റ് ബാങ്ക് ഓഫ് ഇന്ത്യ മാനേജര് എന്നത് പരിചയപ്പെടുത്തിയാണ് പ്രതി അധ്യാപികയെ വിളിച്ചത്. ഭംഗിയായി ഇംഗ്ലീഷ് സംസാരിക്കുന്നതിനാല് അധ്യാപിക വിശ്വസിക്കുകയും ചെയ്തു. തുടര്ന്ന് പ്രതി തന്ത്രത്തില് ബാങ്ക് യൂസര് ഐ ഡിയും പാസ്വേര്ഡും കൈക്കലാക്കുകയായിരുന്നു. കണ്ണൂര് പോലീസ് മാസങ്ങളോളം നീണ്ട തിരച്ചിലിനൊടുവിലാണ് പ്രതിയെ പിടികൂടിയത്. നാലു പേര് ചേര്ന്നാണ് അധ്യാപികയില് നിന്നും പണം തട്ടിയെടുത്തത്.
-
സംഘത്തിലെ മറ്റ് മൂന്നുപേരെ സംബന്ധിച്ച് പൊലീസിന് വ്യക്തമായ വിവരം ലഭിച്ചു. ഉത്തര്പ്രദേശ്, ജാര്ഖണ്ഡ്, പശ്ചിമബംഗാള് എന്നീ സംസ്ഥാനങ്ങളില്നിന്നുള്ള പ്രതികളെ കൂടിയാണ് ഇനി പിടിയിലാകാനുള്ളത്. ഈ സംസ്ഥാനങ്ങളില് നേരിട്ടെത്തി പൊലീസ് അന്വേഷണം നടത്തുകയും ചെയ്തിട്ടുണ്ട്. അതുകൊണ്ടുതന്നെ പ്രതികള് അധികം വൈകാതെ പിടിയിലാകുന്ന കരുതുന്നതായി കണ്ണൂര് ഡിവൈ എസ് പി പി പി സദാനന്ദന് പറഞ്ഞു.
COMMENTS