പിതാവ് മക്കളെ വെട്ടിപ്പരിക്കേല്പിച്ചു, വെള്ളരിക്കുണ്ട് പോലീസ് കേസെടുത്തു

 വെള്ളരിക്കുണ്ട്: കൊന്നക്കാട് മൈക്കയത്ത്​ പിതാവി​​‍ൻെറ വെട്ടേറ്റ് രണ്ടുകുട്ടികൾക്ക് പരിക്കേറ്റു. വള്ളിക്കടവ് സൻെറ്​ സാവിയോ സ്കൂൾ വിദ്യാർഥികള...

 വെള്ളരിക്കുണ്ട്: കൊന്നക്കാട് മൈക്കയത്ത്​ പിതാവി​​‍ൻെറ വെട്ടേറ്റ് രണ്ടുകുട്ടികൾക്ക് പരിക്കേറ്റു. വള്ളിക്കടവ് സൻെറ്​ സാവിയോ സ്കൂൾ വിദ്യാർഥികളായ അമൽ (എട്ട്​), അമയ് (ആറ്​) എന്നിവർക്കാണ് പിതാവി​‍ൻെറ ആക്രമണത്തിൽ പരിക്കേറ്റത്. വ്യാഴാഴ്ച രാവിലെ 11 മണിയോടെയാണ് സംഭവം. മനോവിഭ്രാന്തിയുള്ള പിതാവ് സജിത്ത് മദ്യലഹരിയിൽ കത്തികൊണ്ട് വെട്ടുകയായിരുന്നുവെന്ന് പറയപ്പെടുന്നു. പരിക്കേറ്റ കുട്ടികളെ ആശുപത്രിയിലേക്ക് മാറ്റി. ഒരു കുട്ടിയുടെ ചെവി മുറിഞ്ഞുപോയി. ഒരാളുടെ കഴുത്തിനാണ് വെട്ടേറ്റത്. രണ്ടുദിവസമായി പിതാവ് മാനസികാസ്വാസ്​ഥ്യം പ്രകടിപ്പിക്കുന്നതായി സമീപവാസികൾ പറഞ്ഞു. സംഭവം നടക്കുമ്പോൾ കുട്ടികളുടെ അമ്മയും പിതാവി​​‍ൻെറ അച്ഛനും അമ്മയും അടുത്ത ബന്ധുക്കളും വീട്ടിലുണ്ടായിരുന്നു. ഭക്ഷണം കഴിച്ച് മുറ്റത്തുനിന്ന് കൈകഴുകി വീടിനകത്തേക്ക്​ കത്തിയുമായിവന്ന് കുട്ടികളെ വെട്ടുകയായിരുന്നു. ബഹളം കേട്ട് ഓടിയെത്തിയ അയൽവാസികളും ബന്ധുക്കളും പിതാവിനെ കീഴ്​പ്പെടുത്തി വെള്ളരിക്കുണ്ട് പൊലീസിൽ ഏൽപിക്കുകയായിരുന്നു.