അനധികൃതമായി പ്രവർത്തിച്ചു വന്ന കച്ചവട ഷെഡ്ഡ് പൊളിച്ചുമാറ്റാൻ കാഞ്ഞങ്ങാട് നഗരസഭ ഉത്തരവ്

 കാഞ്ഞങ്ങാട് : വിലക്കുറവിന്റെ വിപ്ലവം, മഹാലാഭം മേള എന്നീ ആശയങ്ങൾ മുന്നോട്ടുവെച്ച് നോർത്ത് കോട്ടച്ചേരിയിൽ രണ്ടുമാസക്കാലമായി പൊടിപൊടിക്കുന്ന അ...

 കാഞ്ഞങ്ങാട് : വിലക്കുറവിന്റെ വിപ്ലവം, മഹാലാഭം മേള എന്നീ ആശയങ്ങൾ മുന്നോട്ടുവെച്ച് നോർത്ത് കോട്ടച്ചേരിയിൽ രണ്ടുമാസക്കാലമായി പൊടിപൊടിക്കുന്ന അനധികൃത കച്ചവട ഷെഡ്ഡ് പൊളിച്ചുമാറ്റാൻ കാഞ്ഞങ്ങാട് നഗരസഭ അധ്യക്ഷ നഗരസഭാ സിക്രട്ടറിക്ക് നിർദ്ദേശം നൽകി. കെഎസ്ടിപി റോഡിൽ പത്മ പോളി ആശുപത്രിക്കടുത്താണ് ഇടുക്കി സ്വദേശി നടത്തി വരുന്ന അനധികൃത വ്യാപാരം. ഇൗ വ്യാപാര ഷെഡ്ഡിൽ നിന്ന് ഉപഭോക്താക്കൾ വാങ്ങുന്ന വീട്ടുപകരണങ്ങൾക്കും മറ്റും ബില്ലുകൾ നൽകാറില്ല.

വാങ്ങിയ സാധനങ്ങൾക്ക് കേടുണ്ടെങ്കിൽ തിരിച്ചേൽപ്പിച്ചാൽ ഏറ്റെടുക്കാറുമില്ല. നഗരസഭ പ്രദേശത്ത് നാലായിരം ചതുരശ്ര അടിയിൽ ഷെഡ്ഡ് കെട്ടി ഇടുക്കി സ്വദേശി 2 മാസക്കാലമായി നടത്തിവരുകയായിരുന്നു. ഇൗ അനധികൃത അങ്ങാടിക്കെതിരെ വ്യാപാരി സംഘടനയും ഒന്നും മിണ്ടിയിട്ടില്ല.