കാഞ്ഞങ്ങാട്: യുവതിക്ക് വിവാഹ വാഗ്ദാനം നല്‍കി പീഡിപ്പിച്ച പ്രതി അറസ്റ്റില്‍. കാഞ്ഞങ്ങാട്ടെ ഒരു സ്വകാര്യ കണ്ണാശുപത്രിയില്‍ ജീവനക്കാരനായ കണ്ണൂര...
കാഞ്ഞങ്ങാട്: യുവതിക്ക് വിവാഹ വാഗ്ദാനം നല്‍കി പീഡിപ്പിച്ച പ്രതി അറസ്റ്റില്‍. കാഞ്ഞങ്ങാട്ടെ ഒരു സ്വകാര്യ കണ്ണാശുപത്രിയില്‍ ജീവനക്കാരനായ കണ്ണൂര്‍ സ്വദേശി നിസാറി(30)നെയാണ് ഹൊസ്ദുര്‍ഗ് പൊലീസ് ഇന്‍സ്‌പെക്ടര്‍ പി. അജിത്ത് കുമാറും സംഘവും അറസ്റ്റു ചെയ്തത്.
യുവതി തന്റെ സഹോദരനെയും കൊണ്ട് ജില്ലാ ആശുപത്രിയില്‍ ചികിത്സ തേടിയെത്തിയപ്പോഴാണ് സ്വകാര്യ കണ്ണാശുപത്രി ജീവനക്കാരനായ നിസാറിനെ പരിചയപ്പെട്ടത്. പിന്നീട് ഇരുവരും പ്രണയത്തിലായി. അതിനു ശേഷം ഭാര്യയും മക്കളും ഉണ്ടെന്ന കാര്യം മറച്ചുവച്ച നിസാര്‍ യുവതിക്കു വിവാഹ വാഗ്ദാനം നല്‍കുകയും വിവിധ സ്ഥലങ്ങളില്‍ കൊണ്ടു പോയി പീഡിപ്പിക്കുകയുമായിരുന്നുവെന്നു പറയുന്നു.അതിനു ശേഷം നിസാര്‍ പ്രണയബന്ധത്തില്‍ നിന്ന് പിന്നോക്കം പോവുകയും വിവാഹവാഗ്ദാനത്തില്‍ നിന്ന് പിന്മാറുകയും ചെയ്തു. ഇതോടെയാണ് യുവതി പരാതിയുമായി പൊലീസിനെ സമീപിച്ചത്. താന്‍ പട്ടിക ജാതി വിഭാഗത്തില്‍ പെടുന്ന ആളാണെന്നാണ് യുവതി പൊലീസില്‍ നല്‍കിയ പരാതിയില്‍ പറഞ്ഞിരുന്നത്. ഇത് പ്രകാരം കേസെടുത്ത ഹൊസ്ദുര്‍ഗ് പൊലീസ് തുടരന്വേഷണത്തിനായി കേസ് സ്‌പെഷ്യല്‍ മൊബൈല്‍ സ്‌ക്വാഡിന് കൈമാറി. എന്നാല്‍ എസ്എംഎസ് നടത്തിയ അന്വേഷണത്തില്‍ യുവതി സംവരണ വിഭാഗത്തില്‍ പെടുന്ന ആളല്ലെന്ന് കണ്ടെത്തി. കേസ് ഹൊസ്ദുര്‍ഗ് പൊലീസ് സ്റ്റേഷനിലേക്ക് തിരിച്ചയച്ചു. തുടര്‍ന്ന് ഇന്‍സ്‌പെക്ടറുടെ നേതൃത്വത്തില്‍ നടത്തിയ അന്വേഷണത്തിലാണ് നിസാറിനെ അറസ്റ്റു ചെയ്തത്.
COMMENTS